Пресвитериандық ағымдар: тарихы және қазіргі кезең

Аннотация

Мақалада пресвитериандық ағымдардың пайда болу алғышарттары және әлемдік деңгейде таралып, дамуы қарастырылады. Қазақстанда пресвитериандық ағымдардың ресми тіркеліп, миссионерлік қызметпен айналысуы және осы құбылысқа қатысты арнайы ғылыми еңбектердің болмауы тақырыптың өзектілігін негіздейді.

Авторлар пресвитериандық ағымдардың ілімінің пайда болуы мен оның діни ағым ретінде қалыптасып, таралу ерекшеліктеріне шолу жасайды. Шолу барысында  пресвитериандықтың дәстүрлі христиандық бағыттар мен басқа да жаңа протестанттық ағымдардан айырмашылығын көрсету мақсаты қойылады. Сонымен қоса мақалада пресвитериандық діни бірлестіктердің миссионерлік қызметін сараптау арқылы авторлар бұл бірлестіктердің қызметі әртүрлі ұлт өкілдері арасында белсенді үгіт-насихат жұмыстарын жүргізуге бағытталғандығын дәлелдейді.  Пресвитериандар өз қатарларының санын көбейтіп, жаңа мүшелеріне ерекше қолдау көрсетіп миссионерлік әдістерді барынша тиімді қолдану арқылы діни ілімдерін таратуда деген тұжырым жасайды.