«Әбушaхмa» дaстaнының діни тaғылымы

Аннотация

Мақалада «Әбу Шахма» атты діни дастанның қысқаша мазмұнына шолу жасау арқылы Құранның қағидалары мен өсиеттеріне негізделген  діни-философиялық ойларға талдау жасалады. Бұл тақырып қазіргі «Рухани жаңғыру» еліміздегі басты идеологиялық ұстаныммен тығыз байланысты. Себебі дастандағы көтерілген мәселелер: жеке адамның ішкі жан дүниесінің дамуы үшін керек нәпсімен күрес және қоғамның рухани дамуы үшін қажетті исламдық іс-шаралар мен тиымдар, руханият құндылықтарын үгіттеу қазіргі қазақ коғамы үшін де өзекті болып отыр.

Мақала авторлары дастанда көрініс тапқан оқиғалардың: күнә жасау, зорлық көрсету және олардың шариғат заңымен қатаң жазаланатынын ескерту негізінде ежелден қалыптасқан дәстүрлі исламдық наным түсініктерге талдау жасайды. Талдау нәтижесінде қазіргі адам мен қоғамның рухани тоқырау мәселесіне назар аударылып, жастарды адамгершілікке тәрбиелеудегі исламдық дүниетаным мен құндылықтардың рөліне жоғары баға беріледі.