Қазақстандағы ақпараттық технологиялар арқылы діни экстремизмнің насихатталуы
DOI:
https://doi.org/10.26577/EJRS-2019-4-r2Аннотация
Бұл мақалада исламтану және дінтану саласына қатысты ақпараттық технологиялардың Қазақстан аумағындағы діни экстремизмнің таралуына әсері, күші қарастырылады. Қазақстанның қазіргі кездегі діни сауаттылық жағдайына жасалған талдау діни мәліметтерді ақпараттық технологиялар көздерінен алудың қауіптілігіне тұжырым жасауға мүмкіндік береді. Бұл тұста ел қауіпсіздігі үшін діни мәліметтерді ақпараттық технологиялар арқылы сенімсіз қайнаркөздерден алуға болмайды деген пікір білдіруге болады. Сонымен қатар, бүгінгі күнгі ақпараттық технологиялар арқылы экстремизмнің насихатталуы күн арта өзекті мәселелер қатарына айнала бастағандығы сөз болады. Зерттеу кезінде келесі нәтижеге қол жеткізілді: қазіргі таңда адамдар кез-келген ақпарат алу үшін ақпараттық технологиялардың көмегіне жүгінеді. Бірақ әлеуметтік желілердегі және сайттардағы ақпараттардың барлығының бірдей қауіпсіз әрі сенімді емес екендігіне көз жеткіземіз. Интернет арқылы тексерілмеген діни мәліметтерді алу қоғам үшін өте қауіпті жағдай және қауіптілігін қазіргі уақытта көрсетіп келе жатыр.
