Ислам құқығындағы отбасы құндылығы

Аннотация

Қоғамды жеке тұлғалар қалыптастырады. Ал қоғамның әлеуметтік, экономикалық әрі рухани тұрғыдан өркендеуі әрбір отбасының тыныс-тіршілігіне тікелей байланысты. Отбасы ұғымы тек белгілі бір саланың төңірегінде ғана қозғалатын тақырып емес. Сонымен қатар арнайы бір діндердің концепциясында ғана айтылмайды.

Отбасы ұғымының мән-мазмұны Құран және хадис мәтіндерінде айқын баяндалған. Мақала барысында тақырыптың негізгі мақсатын діни мәтіндерді интерпретациялау арқылы және ғалымдардың герменевтикалық талдаулары арқылы отбасы құндылығы толыққанды баяндалады. Өйткені қасиетті мәтіндерде сөз етілген ұғымдардың интенциясын қатесіз анықтау діни-құқықтық үкімдерге әсер етеді. Сондай-ақ отбасы ұғымының еш шүбәсіз көрініс табуына ықпал ететін неке тақырыбы да қозғалады.