Historical and legal aspects of the formation of the Republic of Kazakhstan as a Secular State

Abstract

Аңдатпа. Аталмыш мақалада қазақстанның зайырлы ел ретінде орнығуының тарихи-құқықтық аспектілері талданды. Оның қатарында қазах хандығы және патшалық ресей мен уақытша өкімет кезеңдері мақаланың зерттеу нысаны ретінде таңдалды. Аталмыш үш кезеңнің арасында патшалы ресей тұсындағы мемлекет дін қатынасына басымдылық берілді. Өйткені, ресей патшалығы тұсында қазақ қоғамы барлық салада транформацияға ұшырады. Сонымен қатар саяси және қоғамдық ойдың жаңаша толқыны ретінде Алашорда қозғалысының зайырлылық ұстанымдары зерттеуде қамтылды. Зерттеуде қамтылған бұл бағыттардың барлығы қазақстанның қазіргі зайырлылық ұстанымдарын жіт түсінуге және елдің болашақтағы зайырлылық бағытын анықтауға жол ашады. Зерттеу барысында төзімділік, діни келісім және теңдік секілді зайырлылық элементтерінің мәдениеттер мен қайшы ұстанымдардың тоғысқан кезінде ортаға шығатыны айқын болды.

Кілт сөздер: Ресей патшалығы; зайырлылық; Қазақ хандығы; діни төзімділік; уақытша өкімет.